RİYAZİ TAPMACALAR

     1)  Əslində çaydır  özü,

          Gəzir çəməni,düzü

          Sonuna bir Ə hərfi,

          Əlavə etsə,hər kim

          Çay dönüb dərhal olur,

          Tanış həndəsi cisim

    2)  Kubda,ya prizmada,

         Rast gələrsən bu ada.

         Birinci hərfi əgər,

         Poza bilsən bir təhər

         Vaxt ölçüsü alarsan

        Tapsan razı qalarsan.

3)  Beş hərfi var adında,

     Yaxşı saxla yadında.

     İki hərfi saitdir,

     Həndəsəyə aiddir.

     Sözün baş hərfini sən.

     Əgər dəyişə bilsən

     Oğlan adı alarsan,

     Tapsan razı qalarsan

                                                

    4)  Bu sözdə 4 hərf var

         İki hərfi saitdir.

         Əslində düz xətdir o,

         Həndəsəyə aiddir.

         Hərflərin yerini

         Dəyişə bilsən əgər

        Sən Afrikada ölkə,

        Amerikada şəhər

       Adlarını alarsan

       Tapsan rahat olarsan.

5) Səs terminidir cəbrdə

     Onsuz qalırsan cəbrdə

     Birinci hərfi ş-ya dəyişsən,

     Sən yeni söz alarsan.

     Tapsan çox şən olarsan.

    6) Dörd hərfi var adında,

        Çox işlənir həyatda.

        İlk hecası notdur,

        İki sait arası

       Bir r əlavə etsən,

       Oğlan adı alarsan.

       Tapsan razı qalarsan.

7)  Onun böyük teoremi

     Həndəsədə məşhurdur.

     Birinci heca rasional ədəddir,

     İkincisi musiqidə bir notdur.

     Tapın görək,o kimdir?

    8)  Vaxt ölçüsüdür özü

         Yaşı haqlıyıb yüzü

         Adına bir K hərfi

         Əlavə etsəniz siz

         Tam olmayan bir ədəd,

        Alarsınız ,şübhəsiz.

       Tapmacanı taparsan,

        Çoxda razı qalarsan.

9) Notdur qabaq hecası,

    M ilə S arası,

    Riyazi işarədir.

    Tapın görək,o nədir?

   10) Beş hərf var adında

         Yaxşı saxla yadında

         İki hərfi saitdir.

         Həndəsəyə aiddir

         Birinci hərfi Q etsən,

         Əziz bir söz alarsan.

        Tapsan razı qalrasan.

11)  Qabaq hecam ölçüdür,

       Musiqi alətiyəm.

       Notdur sonrakı hecam.

       Tapın görək,mən nəyəm?

 12) Bilirsinizmi nəyəm?

       Riyazi işarəyəm.

       İkinci yerə o artırsanız

       Coğrafi ad alarsız.

13) Beş hərf adında.

      Yaxşı saxla yadında 

      Həndəsəyə aiddir

      İki hərfi saitdir.

      Ondakı  C hərfi

      L ilə əvəz etsən,

      Sərin bir su içərsən.

      Tapmacanı taparsan.

    14)  Dörd hərf var adında,

           Bir hərfi saitdir.

           Əslində fiqurdur o,

           Həndəsyə aiddir.

           Axrıncı hərfini 

          Dəyişə bilsən A-ya

          Paytaxt adı alrasn,

          Tapsan razı qalarsan.